Á vef Lonely Planet er fjallað um borgarhverfi sem hafa tekið ótrúlegum breytingum – til hins betra.

Þarna er meðal annars talað um Prenslauer Berg í Berlín, Shoreditch í London, Kallio í Helsinki, Grünerlökka í Osló og Williamsburg sem er svæði í Brooklyn í New York.

Þetta eru hverfi sem voru niðurnídd og döpur og iða nú af lífi og menningu.

Ég hef þá kenningu að röðin sé komin að hverfinu í kringum Hlemminn í Reykjavík.

Kostnaðurinn við húsnæði í miðborg Reykjavíkur fer hækkandi, þar fyllist líka allt af túristabúðum. Ungt og skapandi fólk þarf að leita annað að húsnæði undir starfsemi sína og áhugamál. Svæðið kringum Hlemm liggur eiginlega beint við.