Ég les að AMX hafi lagt upp laupana og hætt „fréttaflutningi“. Hann er sagður hafa byggt á „borgaralegum gildum“ – þar var þó kannski eitt og annað undanskilið, eins og til dæmis heiðarleiki, ráðvendni og sannsögli.

Það liggur samt við að ég sakni þessarar vefsíðu. Varla hefur neinn sýnt mér jafnmikinn áhuga í lífinu.

Um tíma mátti ég varla fara út í búð eða ropa án þess að frá því væri skýrt á AMX.

Einhver taldi að þeir hefðu skrifað hátt í þúsund færslur um mig – ég hef ekki nennt að athuga það.

Ég las heldur ekki allt sem þeir skrifuðu um mig, né man ég öll viðurnefnin sem þeir notuðu um mig.

En nú er því tímabili semsagt endanlega lokið.