Það er hægt að færa rök bæði með og á móti því að leyfa kannabis.
Rökin með hafa til dæmis verið þau að áfengi sé í raun skaðlegra en kannabis og að slæmt sé að vísa þeim sem vilja ná sér í þetta efni til fíkniefnasala sem geta verið býsna harðsvíraðir.
Rökin móti eru einfaldlega þau að efnið er mjög skaðlegt. Það er einkum ungt fólk sem ánetjast því, það fer afskaplega illa með heilastarfsemi og vitsmunalíf þeirra sem ánetjast því. Það er full ástæða til að hefta aðgengi að þessu efni.
En hvað með áfengið? Jú, nú getum við sagt að við myndum aldrei leyfa áfengi ef það væri fundið upp í dag. En það er það er samgróið menningu okkar – hvarvetna sjáum við áfengisdrykkju og áfengisdýrkun.
Ég verð barasta að viðurkenna að ég er alls ekki viss – og ég held ég komist seint að niðurstöðu.
