Eru dómarnir í Vafningsmálinu of mildir? Kannski eru þeir það – ef miðað er við aðra dóma á Íslandi. En þetta eru dómar og það er staðfest að þarna áttu afbrot sér stað. Við eigum reyndar eftir að sjá hvað Hæstiréttur gerir í málinu – fordæmi þaðan sýna að Hæstiréttur er reiðubúinn að taka hart á efnahagsbrotum sem tengjast hruninu.

Líklegt er að farið sé að fara um marga sem héldu að embætti sérstaks saksóknara væri eitthvert grín sem væri hægt að hrista af sér þegar liði frá hruni.

Eins og staðan er hefur embætti saksóknara gengið vel að fá sakfellingar í málum sem hann hefur sótt –og það er rækilega staðfest að hér var margáttuð brotastarfsemi í fjármálakerfinu á árunum fyrir hrun.