Maður skyldi ætla að dræm þátttaka í prófkjörum fjórflokkanna gefi ákveðin fyrirheit um möguleika nýrra framboða í næstu alþingiskosningum.

Það er þó ekki víst.

Framboðin sem um ræðir eru orðin fimm: Dögun, Samstaða, Hægri grænir, Björt framtíð og Píratar.

Í síðustu skoðanakönnun var það aðeins Björt framboð sem var með menn inni á þingi, hinir voru undir mörkunum. Raunar má geta þess að Samstaða var með meira en 20 prósenta fylgi í skoðanakönnun síðastliðinn vetur. Nú er fylgið á bak og burt – og áhugafólk um pólitískan frama sem kom í flokkinn, meðal annars úr Framsókn, er að snúa aftur til síns heima.

Hér á landi er í gildi 5 prósenta atkvæðaþröskuldur. Framboð sem eru undir því fá ekki þingmenn. Þetta er markið sem flokkar þurfa að komast yfir til að fá úthlutað þingsætum.

Þegar nýju framboðin eru svona mörg er náttúrlega möguleiki að flest eða öll þeirra séu undir þessu marki og fái enga þingmenn, jafnvel þótt fylgi þeirra samanlagt kynni að vera allt upp í tuttugu prósent.

Þess er að geta að í frumvarpi Stjórnlagaráðs er þessi þröskuldur mun lægri