Samband ungra Sjálfstæðismanna boðar til þings á Akureyri og yfirskriftin er Sókn gegn sósíalisma.
Það vekur reyndar athygli hvernig orðinu er skipt í auglýsingunni:
Sósía-lisma.
Á plakatinu má sjá fólk, ekkert sérlega svipfallegt á myndunum, sem ungir Sjálfstæðismenn telja að séu fulltrúar sósíalisma:
Ögmund Jónasson, Ólínu Þorvarðardóttur, Jón Bjarnason, Jóhönnu Sigurðardóttur, Mörð Árnason, François Hollande, Steingrím J. Sigfússon – og Barack Obama, þann mikla erkisósíalista.
