Íslenska hrunið tekur á sig ýmsar myndir.
Borgurum landsins var um og ó að þurfa að borga útrásarskuldirnar vegna Icesave. En þeir eru fleiri reikningarnir sem eru sendir til almennings.
Nú blasir við að almenningur þarf að borga óreiðuskuldir vegna stóriðju.
Orkukaupendur hjá Orkuveitu Reykjavíkur borga brúsann fyrir stóriðjuóra, þar hegðuðu stjórnmálamenn sér eins og örgustu braskararar, en í Reykjanesbæ hafa menn lifað úti á ystu nöf í þeirri trú að stóriðja myndi bjarga þeim á síðustu stund.
Bæjarstjórnarmenn munu hrópa hátt um að þetta sé ekki þeim að kenna, heldur öðrum – þeim sem hafa ekki fært þeim stóriðjuna. En það er klén afsökun. Þar voru pólitíkusar líka á kafi í braski.
