Samfylkingin fer í rósagöngu. Það er gengið á milli húsa og kjósendum gefnar rósir.

Þessi hugmynd er mjög 2007.

Fyrir utan hvað það er óþægileg tilhugsun að fá frambjóðendur heim til sín.

Á meðan birtist skoðanakönnun sem sýnir að Samfylkingin er dottin ofan í 18 prósenta fylgi í borginni.

Vinstri grænir eru með 11 prósent.

Sjálfstæðisflokkurinn með 31 prósent.

En Framsókn er dottin út úr borgarstjórninni.

Flokkarnir vita ekki sitt rjúkandi ráð. Sigmundur Davíð er aftur farinn að tala um skipulagsmál, Sjálfstæðisflokkurinn heldur leiðtoganámskeið fyrir konur og Samfylkingin gefur rósir.

Á meðan er flokkur Jóns Gnarrs kominn með 36 prósenta fylgi, sex menn inni í borgarstjórn samkvæmt því.