Mars verður mikill tónleikamánuður. 6. mars ætla ég að hlusta á Sigrúnu Eðvaldsdóttur flytja fiðlukonsert Albans Berg. 13. mars er Þýsk sálumessa eftir Brahms flutt á sinfóníutónleikum með söngsveitinni Fílharmóníu. Tveimur dögum síðar er það Quatuor pour la fin du temps eftir Messiaen á tónleikum í Þjóðmenningarhúsinu.
Allt mögnuð verk. Efnisskrá Sinfóníunnar er óvenju góð þessa páska – af einhverjum ástæðum fengu Sibelius og Rakmaninoff frí.
Í apríl ætlum við Kári svo á tónleika þar sem verður meðal annars flutt tónlist úr Star Wars, bæði vonda lagið og góða lagið vonum við.
