Ýmsum ber saman um að það séu stjórnunarhættir í stíl Davíðs Oddssonar sem hafi fellt Vilhjálm Þ. Vilhjálmsson. Morgunblaðið skrifaði meira að segja Reykjavíkurbréf um þetta í gær – að tími einráðra borgarstjóra væri liðinn.

Villi kemst einfaldlega ekki upp með það sem Davíð gat. Skýringin er fyrst og fremst breyttur tíðarandi, en líka eins og Guðmundur Andri orðar það í Fréttablaðinu í dag: Villi hefur ekki til að bera myndugleik Davíðs, klókskap og innsýn í mannlegt eðli.

Sama blað skýrir frá því á forsíðu að Villi hafi ráðfært sig við Davíð um pólítíska framtíð sína.

Til hvers?

Er hann enn hinn raunverulegi formaður flokksins – vegna myndugleika síns?