Ég get ekki stillt mig að birta á meira áberandi stað þessa athugasemd sem barst við síðustu færslu:
„Samt sitja bankarnir og fitna eins og púki á fjósbita. 650.000.000.000… já sex hundruð og fimmtíu þúsund milljónir í framvirkri stöðu gagnvart krónunni. Gróðinn?? Jú. Litlar sjötíu þúsund milljónir síðasta mánuðinn.
En það er ekki nóg. Þeir hafa grátið utan í svörtu höllina á Arnarhóli síðan um áramót og heimtað stýrivaxtalækkun strax svo krónan falli aðeins meira.
Litlu guttarnir í greiningardeildunum sitja síðan kæruleysislega í nýlegum Chadwick stólunum með krosslagðar lappir uppá eikinni.
Spádómur gærdagsins var að krónan væri komin í hægt lækkunarferli…
“Við spáum því að gengi krónunnar lækki á komandi mánuðum og að það verði lægst á sumarmánuðum þessa árs. Evran verður þá í kringum 107 kr.”
Guttarnir í morgunkorni Glitnis þann 13. 3. 2008.
Hálftíma síðar stóð evran í 110 krónum…
Svo eru menn að tala um að bankarnir hafi ráðið til sín allt hæfasta fólkið!“
