Kapítalismanum er ekki fisjað saman. Hann bryður allt í sig, líka það sem á að heita andsnúið honum og gerir loks að sínu.

Þannig er Che Guevara löngu orðinn verslunarvara sem og öll mótmælatónlist 68 kynslóðarinnar, pönkið, ádeilukvikmyndir og ádeilubókmenntir.

Kapítalisminn nærist á öllu þessu með bestu lyst.

Og nú líka þessum texti Ólafs Hauks Símonarsonar sem var sérstaklega stefnt gegn neyslusamfélaginu:

Kvæðið er notað í auglýsingu fyrir sparisjóðinn Byr. Sum börn sem ólust upp við þetta eru hneyksluð og kannski líka foreldrar sem spiluðu lagið fyrir þau.

En flestum finnst þetta væntanleglega bara sniðugt.

Af þessu tækifæri mætti þó endurflytja barnasöguna Uppreisnina á barnaheimilinu sem vakti mikla hneykslunaröldu um líkt leyti og Ólafur Haukur gaf út sína frægu barnaplötu.