Í aukablaði sem fylgir Morgunblaðinu í dag er viðtal við verktakann sem ætlar að fara að byggja hús á Laugavegi 33-35.
Maðurinn heitir Ágúst Friðgeirsson og er aðaleigandi fyrirtækisins ÁF-húsa.
Hann er spurður út í framkvæmdirnar og segir að málið fái „bara ekki afgreiðslu“.
„Það er rúmt ár síðan við gerðum ráð fyrir að þessi framkvæmd yrði komin af stað og enn bíðum við,“ segir Ágúst.
Ætli sé ekki óhætt að fullyrða að biðin hjá Ágústi verði löng? Húsið sem hann ætlar að byggja við Laugaveginn mun aldrei rísa.
