Kiljan í kvöld er að mestu helguð Lærdómsritum Bókmenntafélagsins, einhverjum merkasta bókaflokki á Íslandi. Þessi ritröð hefur komið út síðan 1970 og hefur að geyma verk eftir andans jöfra eins og Voltaire, Platón, Aristóteles, Kant, Kierkegaard, Nietzsche, Sartre, Hume, Descartes, Zizek – og svo mætti lengi telja.

Sigurður Líndal, forseti Hins íslenska bókmenntafélags, er meðal gesta í þættinum.

Páll og Kolbrún ræða um Friðþægingu eftir Ian McEwan og Gyllta áttavitann eftir Philip Pullman, en eftir þessum bókum hafa nýskeð verið gerðar stórar kvikmyndir.

Bragi segir frá dýrustu bók Íslands.