11. mars – 19. apríl
Þú ert nú þegar stressuð/aður yfir því að sólin muni ekki mæta í partýið þitt og ert líkleg/ur til þess að vera búin/n að pakka eða farin/n að baka fyrir helgina. Það skal vera gaman! En þú ert sætur flippkisi sem auðvelt er að gleðja þannig að trúnó og Aperol Spritz munu bæta upp fyrir allar væntingarnar þínar.
20. apríl – 20. maí
Þú ert týpan sem vill tjalda! Þú átt prímus sem þú talar meira um en þú ættir og ert spenntari en börnin yfir því að grilla sykurpúða sem þú stingur auðvitað grein í gegnum frekar en einhverju aðkeyptu spjóti frá Hagkaup. Náttúrubarnið þitt mun blómstra um helgina.
21. maí – 21. júní
Æ, þú ert svo skemmtilega grilluð týpa. Þú sérð tilefni til þess að fara í búning um helgina og ert mega peppuð/aður yfir því að fá alla fjölskylduna, blóðskylda eður ei, í skemmtilega leiki. Hver er til í Kubb?
22. júní – 22. júlí
Eins og venjulega þá ert þú sáttust/ astur þegar allir koma saman. Stórt ítalskt fjölskylduboð er í kortunum þínum þar sem allir tala hver yfir annan, hlæja hátt, borða og drekka tímunum saman. Í öllum þessum látum situr þú þögull með sjálfum þér og lítur yfir þennan fagra hóp með þakklæti í huga.
23. júlí – 22. ágúst
Ljónið undirbýr sig í eitt sykki „hipster“ útilegu. Grasstrá í kjafti, kúrekahattur og varðeldur. Ekki gleyma nokkrum myndum fyrir samfélagsmiðlana, annars gerðist þetta ekki! Það verður sungið um helgina alveg þannig að þú verður rám/ur á mánudaginn kemur.
23. ágúst – 22 .september
Það verður kósý hjá Meyjunni! Þú ert með vel valdar bækur, Yogi-teið þitt sem þú kaupir bara til að geta lesið á litla miðann með skemmtilegu heimspekinni og sumarbústað sem þú bókaðir fyrir mánuði síðan.
23. september – 22. október
Vogin dansar inn í helgina og er alveg slétt sama um hvað öðrum finnst! Ef þú ert foreldri þá mun táningurinn skammast sín fyrir þig alla helgina (en samt í alvöru bara dást að þessu innra barni þínu). Þú munt dansa úti, inni á bensínstöðinni og langt fram á nótt.
23. október – 21. nóvember
Það er veiðiferð í kortunum þínum um helgina og það verður fiskað eins og enginn sé morgundagurinn. Þú ert líka með svo mikið vinnueðli að þú nýtur þess að hafa smá fyrir hlutunum áður en þú uppskerð.
22. nóvember – 21. desember
Hvar er glamúrinn? Hann er með þér, því þú pimpar allar helgarferðr upp með kampavínútileguglösum sem þú geymir í ‘Merry Poppins’ Michael Kors-töskunni, glimmeri í rassvasanum og bluetooth hátalara í hanskahólfinu. Alltaf tilbúin/n í partýið og því sjaldan leiðinlegt með þér.
22. desember – 19. janúar
Þú kýst vini þína fram yfir fjölskylduna þessa helgina því þó þú elskir fjölskylduna þá þarftu smá svigrúm frá henni. Óvænt „roadtrip“ með vinum þínum er í kortunum, ekkert svo vel planað en ekkert í boði annað en að hafa gaman og skella sér í kaldan sjóinn.
20. janúar – 18. febrúar
Þú ákveður að vera heima að þessu sinni. Þú nýtir helgina í heimilisdúllerí, skipulag, bakstur, Netflix og notalegt fjölskylduhangs. Engin plön eru stundum bestu plönin og þá er líka svigrúm fyrir hið óvænta.
19. febrúar – 20. mars
Þín draumahelgi væri að allt þitt fólk færi í sveitina og þú fengir smá einveru sem þú nýtur betur en nokkur annar. Þú ert þó í spilastuði þessa helgina og tekur öll borðspilin þín og tarotspilin þín upp í bústað. Notaleg helgi fram undan.