Eivør Pálsdóttir söngkona er í huga margra sveipuð dulúð og náttúrulegum krafti. Eivør á afmæli á þriðjudaginn, 21. júlí, og því tilvalið að rýna í Krabbann og hans eiginleika.
Krabbinn er hálfgerður verndarengill, hann hugsar svo ofboðslega vel um sitt fólk og vill allt fyrir alla gera. Krabbinn er mjög ástríkur og passar að næra sitt innra barn með aulahúmor og leik. Krabbinn á það til að taka hluti of nærri sér og leynir því ekki þegar hann er þreyttur eða svangur. Í þeim tilfellum væri kannski best að halda sig aðeins fjarri.
Lykilorð: Sköpunargleði, rómantík, sjarmi, ímyndunarafl, fegurð
Fagurt er fyrsta spil þitt en það einkennist af sköpun og rómantík. Innsæið mitt segir að það sé jafnvel tengt ástarsambandi þar sem þú framkvæmir nýtt hljóðverk með sálufélaga sem mun vekja mikla lukku. Ef þér finnst þú hafa verið föst í formi þá er nýr sköpunarkraftur að koma til þín með afli!
Lykilorð: Metnaður, árangur, útsjónarsemi
Næsta spil helst vel í hendur við það fyrra enda er áfram talað um þessa nýja orku sem kemur til þín og það sem þú munt afreka með henni. Það eru svo sannarlega spennandi tímar framundan hjá þér og ný tækifæri sem þú skapar sjálf.
Lykilorð: Hvíld, slökun, hugleiðsla, íhugun
Síðasta spilið er spil sem er mikilvægt fyrir alla þá sem eru að drukkna í vinnu og segja aldrei nei við
verkefnum og jú í sumum tilfellum hafa bara svona gaman að vinnunni. Það er svo mikilvægt að hlúa vel að sér og brenna ekki út. Hugleiðsla, jarðtenging og hvíld er það sem heldur boltanum rúllandi. Þetta spil
hvetur þig til þess að hvíla þig vel áður en þú ferð áfram í þetta nýja verkefni.
Skilaboð frá spákonunni:
Leyfðu þér að stoppa og dýfa fingrunum
í mold og sameinast náttúrunni.
Það róar hugann og nærir sálina.