Fylgjendum áhrifavaldsins og snyrtivörumógúlsins Kylie Jenner blöskraði mörgum hverjum þegar hún birti mynd af Stormi dóttur sinni með rándýra Louis Vuitton tösku. Á meðan sumum þótti dekrið krúttlegt var öðrum misboðið og þótti ákaflega ósmekklegt af Kylie að birta svona bruðl á meðan margir eiga um sátt að birta sökum Covid faraldursins. Gengu sumir svo langt að segja Kylie „úr öllum tengslum við raunveruleikann.“ Á myndinni sem er tekið úti í garði situr Stormi litla á pallinum með töskuna dýru og lætur sér fátt um finnast enda aðeins tveggja ára gömul. Fyrir átti hún Chanel tösku sem tónlistarmaðurinn og DJ Khalid gaf henni í tveggja ára afmælisgjöf í febrúar.
Kylie á hina tveggja ára gömlu Stormi með rapparanum Travis Scott og hún elskar að dekstra við þá stuttu. Þegar hún keypti handa henni kerru dugði ekkert minna til en Fendi kerra á rúma 1,1 milljón króna og 800.000 kr bleiutöska í stíl. Þetta er ekki í fyrsta sinn sem Kylie er gagnrýnd fyrir gjafir handa Stormi en á jóladag í fyrra birtist myndband af Stormi með demantshring á fingri sem var svo fjarlægt af netinu.