Fjölmiðlakonan Jana Hocking afhjúpar ástæðuna fyrir því að hún hætti með ríka kærastanum sem sumir myndi kalla „fullkominn.“
Hún segir að það sé oft talað um ríka karlmenn sem vilja halda sig við eina konu og eignast fjölskyldu vera „einhyrninga“. Hún var í sambandi með einum slíkum en segir að hann hafi ekki allur verið þar sem hann var séður.
„Hann átti fallegt hús á réttum stað í bænum og fallegan svartan Range Rover. Hann var mjög opinn fyrir því að stofna fjölskyldu og hann var einhver sem ég hefði aldrei þurft að hafa áhyggjur af. Ég held að svona menn séu kallaðir „einhyrningar“, því þeir eru of góðir til að vera sannir. Vinkonur mínar sögðu mig vera svo heppna. Þær sögðu að ég hafði loksins unnið í lottóinu og ég ætti að vera skotin. En það var bara eitt vandamál. Ég var það ekki,“ segir Jana í pistli á News.au.
Hún segir að hann hafi verið of „viðkunnanlegur“ og „samþykkur“ öllu sem hún sagði. Ef hún vildi ræða um eitthvað málefni og eiga góðar rökræður þá varð ekkert úr því, þar sem hann samþykkti allt sem hún sagði.
„Hann leyfði mér að komast upp með hvað sem er […] Ég valdi veitingastaðina. Ég valdi málefnin sem við töluðum um og ég valdi hvert við fórum í frí.“
https://www.instagram.com/p/B_uIY3Gg8a0/
Jana segir að hún hafi ekki verið góð kærasta. Hún var sífellt að athuga hvað hún gæti komist upp með.
„Ég gerði það ekki viljandi, ég held að undirmeðvitundin mín var að athuga hvort hann væri einhver sem ég gæti stjórnað. Enginn vill einhvern svoleiðis. Ég kom seint heim og sagði honum ekki hvar ég hafði verið, ég beilaði á honum á síðustu stundu. Ég veit, ég veit. Ég var hræðileg.“
Einn morguninn áttaði hún sig á því að hann var ekki maðurinn fyrir hana.
„En með því að hætta með honum var ég ekki bara að losa mig við kærasta, heldur var ég að fórna mjög þægilegu lífi. Ég gæti ekki lengur farið í frí án þess að lenda í skuld, ég myndi flytja úr fallega húsinu í litlu íbúðina mína og svo framvegis,“ segir Jana.
Jana er mjög ánægð með ákvörðun sína í dag. Hún segir að maðurinn hafi fundið sér kærustu sem elskar alla þessa eiginleika við hann.
„Hann var í alvöru einhyrningur, bara ekki minn einhyrningur,“ segir hún.
Jana hefur síðan þá farið á frábær stefnumót með körlum sem hún segir „hafa hemil“ á henni og rökræða við hana um ýmis málefni.
„Að finna framtíðarmaka er erfitt en ég vil finna þann rétta,“ segir hún.