Yngsta dóttir Kobe Bryant heitins, eins besta körfuknattleiksmanns allra tíma, varð eins árs á laugardaginn. Eins og flestir vita lést Kobe í þyrluslysi snemma á þessu ári ásamt 13 ára gamalli dóttur sinni, Gianna, eða Gigi eins og hún var jafnan kölluð en Kobe átti fjórar dætur með eiginkonu sinni Vanessu Bryant.
Öllu var til tjaldað í afmælinu er sérlegt prinsessuþema var. Capri litla fékk risastóra kastalaköku sem var stærri en hún sjálf og í öllum regnbogans litum. Sú stutta er greinilega hrifin af blöðrum en helíumblöðrur með Disney-prinsessunum voru áberandi í sveislunni.
Vanessa birti nokkrar myndir í tilefni dagsins undir yfirskriftinni: „Capri Kobe Bryant a.k.a. ‘Koko-Bean’ skírð í höfuðið á pabba sínum Kobe Bean Bryant sem er sárt saknað. Við söknum ykkar SVO mikið Gigi og pabbi.“
