Nýlega opnaði fjölmiðlamaðurinn Egill Helgason sig um baráttuna við kvíða. Færsla hans vakti mikla athygli og þökkuðu margir honum fyrir hreinskilnina. Egill er kvæntur Sigurveigu Káradóttur og lék DV forvitni á að vita hvernig þau eiga saman ef litið er til stjörnumerkjanna.
Egill er Sporðdreki og Sigurveig er Meyja.
Sporðdrekinn er gjarnan misskilinn en mjög ástríðufullur. Hann elskar lífið og vill lifa því til fullnustu. Meyjan er merki sem þrífst á samkennd og sjarma.
Rómantíkin er allsráðandi þegar Sporðdrekinn og Meyjan koma saman. Þau eru virk í svefnherberginu því eins og við vitum er Sporðdrekinn mjög ástríðufullur og Meyjan mjög seiðandi í eðli sínu.
Það er sjaldan sem pörun tveggja merkja er jafn fullkomin og þeirra. Veikleiki þeirra er hversu ólíkar skapgerðir þeirra geta verið. Bæði merkin eru mjög stjórnsöm og kemur reglulega upp valdabarátta í sambandinu. Til að leysa það þurfa þau að tala saman, sem betur fer er styrkleiki þeirra samskipti. Þegar eitthvað bjátar á þá ræða þau um málin og hlusta á hvort annað.
21. september 1973
Meyja
9. nóvember 1959
Sporðdreki