Hjónin Justin Bieber og Hailey Bieber hóta að lögsækja lýtalækninn Dr. Daniel Barrett í Beverly Hills, fyrir fullyrðingar á samfélagsmiðlinum TikTok um að ofurfyrirsætan Hailey, hafi gengist undir lýtaaðgerðir. Þessu greinir vefmiðillinn E!News frá í gær.
Lögfræðingar Bieber hjónanna saka lýtalækninn um að nota nafn Hailey og myndir af henni til þess að auglýsa lýtalæknastofuna og breiða út falskan orðróm um að Hailey Bieber hafi gengist undir lýtaaðgerðir. Einnig er hann sakaður um að hafa notað höfundarréttavarið textabrot úr lagi Justins, „Sorry“ í TikTok myndbandinu.
Í myndbandinu sýnir Dr. Barrett tvær myndir sem teknar voru af Hailey með nokkurra ára millibili og segir: „Takið eftir nefinu. Hvað finnst ykkur? Ég skal segja ykkur hvað mér finnst. Ég held að þetta sé líkamlega ómögulegt nema án smá hjálpar frá einhverjum eins og mér, að fara frá þessari mynd til þeirrar næstu.“ Einnig telur hann að Hailey hafi gengist undir húðstrekkingaraðgerð, kjálkamótun, hökuaðgerð og fengið fyllingar í kinnar og varir.
@barrettplasticsurgeryIs it too late now to say sorry…👀##greenscreen ##plasticsurgeon ##inyourface ##beautyhacks ##fyp ##secrets ##haileybieber ##foryou ##spillthetea♬ original sound – barrettplasticsurgery
Eins og er, stendur Dr. Barret staðfastur við orð sín á TikTok. Hann segir í tilkynningu til E! News að tilgangur TikTok reiknings síns sé að auka gegnsæi varðandi lýtaaðgerðir og fræða fólk um málefnið. „Tilgangur myndbandsins er ekki að lítilsvirða Hailey Bieber á nokkurn hátt, heldur sá að deila mati mínu á því hvaða aðgerðir Hailey hefur gengist undir á grundvelli myndanna tveggja. Þetta geri ég vegna þess að fylgjendur mínir hafa beðið um mitt álit.“