Önnur konan á myndinni hér að ofan er ekki Ariana Grande, heldur Paige Niemann.
Þetta byrjaði allt mjög sakleysislega. Paige gerði myndbönd á TikTok, klædd, máluð og með hárið eins og Ariana Grande. Það er ekki hægt að neita því að þær eru skuggalega líkar.
https://www.instagram.com/p/B-AWU6UjXNs/
Í myndböndunum notaði Paige hljóðbrot úr þáttunum Victorious, í þeim fór Ariana með hlutverk Cat Valentine.
i just wonder whyyyy the cat voice / dialogue. 😭 i am sure she is the sweetest sweet sweetheart forreal !! but it’s definitley bizarre seeing people blend the two worlds lmao.
— Ariana Grande (@ArianaGrande) November 24, 2019
Fyrir nokkrum mánuðum tísti Ariana Grande um myndböndin og sagði að það væri skrýtið að sjá einhvern vera alveg eins og hún er núna, og nota rödd Cat Valentine. En þættirnir voru framleiddir á árunum 2010-2013.
„Skrýtið að sjá þessa tvo heima blandast saman,“ sagði Ariana Grande.
Paige, sem er sextán ára, lét þessi ummæli ekki trufla sig og fannst gaman að Ariana vissi hver hún væri. Vinsældir hennar á samfélagsmiðlum héldu áfram að aukast og er hún í dag með 5,9 milljónir fylgjenda á TikTok og 650 þúsund fylgjendur á Instagram.
https://www.instagram.com/p/B7bSEpXHoAd/
Paige hefur einnig vakið athygli fjölmiðla og fór í viðtal hjá Entertainment Tonight fyrir fjórum mánuðum.
En Paige er ekki lengur aðdáandi Ariönu Grande. Þetta byrjaði á því að kvikmyndagerðarmaðurinn Jordan Firstman virtist gera grín að eftirhermum Ariönu í Instagram Story. Það vakti athygli Ariönu og deildi hún myndbandinu áfram og skrifaði með:
„Getur þetta ekki einnig átt við TikTok-stelpurnar sem halda að með því að nota rödd Cat Valentine, vera með svartan augnblýant og í joggingpeysu, sé að gera góða eftirhermu af mér. „Lítillækkandi í allri sinni merkingu,“ þannig líður mér,“ sagði Ariana Grande.
“pony tail tik tok girls” SCREAMING @ArianaGrande pic.twitter.com/tgy6UOoGoF
— ali (@toulousebeneedy) April 23, 2020
Þó svo að Ariana nefni Paige ekki á nafn er sú síðarnefnda viss um að ummælin séu um hana.
„Ég er vön því að Ariana geri eitthvað svona. Ég er bara hérna til að skemmta fólki. Ég er ekki svona í alvöru. Þetta er eiginlega ástæðan fyrir því að ég er ekki lengur aðdáandi hennar,“ sagði hún.
Ariana Tiktok look-alike says on live that she’s “used to #arianagrande shading her” and that she’s “not a fan of Ariana anymore” ☕️👀😬 pic.twitter.com/sVgLWP3KbM
— tiktokroom (@tiktokroom_) April 23, 2020
Fjölmargir fjölmiðlar vestanhafs hafa fjallað um málið, t.d. Indy100, Daily Mail, Unilad og iHeartRadio. Ariana Grande hefur ekki tjáð sig frekar um málið.