Leikarinn Zac Efron er nýjasti gestur Sean Evens í þættinum Hot Ones á YouTube-rásinni First We Feast.
Þættirnir eru mjög vinsælir en í þeim ræðir þáttastjórnandinn Sean Evens og gestur hans saman og borða sterka vængi. Zac Efron segist bera nýfundna virðingu fyrir sterkum mat eftir að hafa ferðast um heiminn.
Leikarinn ræddi um hlutverk sitt í kvikmyndinni Baywatch og sagðist aldrei vilja vera í svona formi aftur.
„Eftir að tökum á Baywatch lauk áttaði ég mig á því að mig langaði aldrei að vera í svona góðu formi aftur. Þetta var svo erfitt,“ segir Zac.
„Þú ert bara að hafa áhyggjur af einhverri vatnsmyndun í líkamanum og að hún hafi áhrif á hvort six-pakkið þitt sjáist almennilega. Þetta er bara heimskulegt. Þetta er ekki raunverulegt. Ég er ánægður að þetta hafi virkað og ég hafi komist í gegnum þetta. Ég mun kannski gera þetta aftur, ef það verður þess virði. En bíðum þar til það gerist. Hugsaðu um hjartað, hugsaðu um heilann og þú ert góður.“
Zac og Sean borða sterka vængi og svitna saman á meðan þeir ræða málin.
Horfðu á myndbandið hér að neðan.
