Áhrifavaldur sem kallar sig Larz, og gerði garðinn frægan í Dr. Phil, liggur nú á sjúkrahúsi smitaður kórónuveirunni.
Larz greinir frá því á Instagram að hann sé veikur með kórónuveiruna. Hann birtir myndband af sér liggjandi í sjúkrahúsrúmi.
Larz tók þátt í furðulegu kórónuveiru-samfélagsmiðlatrendi að sleikja klósettsetu. Áhrifavaldurinn Ava Louise kom af stað trendinu þegar hún sleikti klósettsetu í flugvél og gerði allt vitlaust í leiðinni.
Larz er þó þekktur fyrir dramatík og búa til klikkuð myndbönd á samfélagsmiðlum, svo það er gott að taka þessu með fyrirvara.
Gestur hjá Dr. Phil
Larz vakti mikla athygli fyrir nokkrum mánuðum þegar hann var gestur hjá Dr. Phil.
Hann sagði við Dr. Phil að hann væri búinn að slíta öllum samskiptum við fjölskyldu sína. Af hverju? Jú því fylgjendafjöldi þeirra er til skammar.
„Ég tala ekki við fjölskylduna mína. Þau skipta ekki máli. Engin þeirra er með fylgjendur, ef þau væru með fylgjendur eða yrðu rík þá myndi ég örugglega tala við þau aftur,“ sagði Larz.
