Rúmlega 1,3 milljón manns hafa tekið þátt í undirskriftarsöfnun um að láta fjarlægja klámmyndbönd Miu Khalifu af veraldavefnum. „Jafnrétti fyrir Miu Khalifa,“ segir í undirskriftarsöfnuninni.
Á dögunum ráðlagði Mia Khalifa ungum konum að feta ekki í sín fótspor. Hún sagði að klámferill hennar muni ásækja hana það sem hún á eftir ólifað.
Sjá einnig: Mia Khalifa segir að myndböndin muni ásækja hana það sem hún á eftir ólifað
Mia lék í ellefu klámmyndum yfir þriggja mánaða tímabil árið 2014. Hún komst í heimsfréttirnar þegar hún fékk morðhótanir frá ISIS eftir að hafa komið fram í klámmynd með slæðu (e. hijab).
Mia opnaði sig á TikTok um áhrifin sem myndböndin hafa haft á andlega heilsu hennar. Hún segir að það sé erfitt að hugsa til þess að mörg hundruð milljóna manna muna bara eftir henni frá því að hún var 21 árs og á mjög slæmum stað í lífi sínu.
Fyrir sex dögum síðan fór netverjinn kia.flowers af stað með undirskriftasöfnun sem rúmlega 1,3 milljón manns hafa skrifað undir. Markmiðið er að fá 1,5 milljón manns til að skrifa undir.
Undirskriftarsöfnunin miðar að því að hvetja Pornhub, Feras Antoon, David Tassillo, MG Freesites ltd. og Bang Bros til að gefa Miu lénsheiti sitt aftur, fjarlægja myndböndin og ræða um eignarhald þeirra í dómsstólum án þess að Mia fari í gjaldþrot.