Kardashian-Jenner systur hafa gert ófá Photoshop mistök. Eins og þegar fótleggur Kourtney Kardashian var afar furðulegur, eða þegar kynningarmynd Kardashian-þáttanna var eitthvað furðuleg og þegar aðdáendur sökuðu Kylie Jenner um stórkostleg mistök.
Nú hefur Kylie Jenner verið harðlega gagnrýnd fyrir að breyta myndum af sér með myndvinnsluforritinu.
Fjöldi stjarna hafa deilt myndum frá Met Gala-hátíðum síðari ára undir myllumerkinu #MetGalaChallange. Hátíðin hefði átt að fara fram þann 4. maí en var frestað um óákveðin tíma vegna aðstæðna.
Kylie tók þátt í áskoruninni og deildi myndum frá síðustu fjórum hátíðum.
Hún virðist þó hafa breytt myndunum eitthvað og var það Instagram-síðan @Exposing_Kylie_Jenner sem vakti athygli á því.
Kylie hefur breytt myndunum svo hún virðist vera grennri og með sléttari húð. Á einni myndinni breytti hún einnig útliti Donnatellu Versace.
Í síðustu viku deildi Kylie mynd af sér í sundlaug en aðeins tuttugu mínútum seinna eyddi hún út myndinni eftir að glöggir fylgjendur tóku eftir Photoshop mistökum.
