Á hverjum degi verður heimurinn aðeins furðulegri. Í þetta sinn er ástæðan nýtt trend sem kallast „cockfishing.“ Það virkar svipað og „catfishing“ sem snýst um að villa á sér heimildir.
Segjum að Palli finnur mynd af ljóshærðri konu á netinu, hann notar myndina til að búa til Facebook-síðu og notar nafnið Rósa. Hann notar svo síðuna til að tala við karlmenn og þykist vera Rósa. Palli er „catfishing“.
Það eru til þættir á MTV sem heita Catfish: The TV Show sem snúast um að þáttastjórnendur hjálpa fólki að finna út hvort það hefur verið blekkt á þennan hátt á netinu.
En nú er komið nýtt trend sem fólk notar á samfélagsmiðlum og stefnumótaforritum, svokallað „cockfishing“. Metro greinir frá.
Á meðan manneskja sem stundar „catfishing“ villir sér á heimildir með því að nota mynd af annarri manneskju eða tileinkar sér allt annað auðkenni, þá snýst „cockfishing“ aðeins um eitt. Að ljúga um typpastærð.
Þetta hugtak vísar til þeirra karlmanna sem breyta typpamyndunum sínum og láta typpið sitt virðast stærra en það er. Stundum er það gert með hjálp Photoshop, stundum er notuð sérstök linsa.
iPhone 11 er nýkominn á markað og með því að nota breiðlinsuna þá geta notendur látið ýmsa hluti virka stærri en þeir raunverulega eru.
Það virðist sem „cockfishing“ sé komið til að vera.