Á meðan bílakynlíf er kannski algengara á unglingsárunum, þá eru sumir sem hugsa reglulega um þessa fantasíu langt inn í fullorðinsárin.
Samkvæmt Cosmopolitan eru yfir 6.600 Bandaríkjamenn sem leita að upplýsingum um það hvernig á að stunda kynlíf í bíl í hverjum mánuði. Það eru um 80.000 manns á ári.
Þó svo að það hljómi kannski ekki mikið þá er líklegt að mun fleiri stundi þetta, þar sem þessar tölur koma einungis frá þeim sem leita að hjálp á netinu. Það eru ábyggilega margir sem stunda kynlíf í bílnum án upplýsinga frá netinu.
Tara Struyk, aðalritstjóri Kinkly, er með kenningu um það af hverju bílakynlíf sé svona algeng fantasía.
„Ég myndi segja að þetta sé tvískipt, það er bæði neyðin og áhættan.“
Tara segir það vera æsandi að geta rifið fötin af makanum þínum þegar neyðin kallar. Hvað þá á stað eins og í bílnum sem hefur lengi vel verið vinsæll staður fyrir kynlífssenur.
„Bættu við áhættunni um að sjást og þú ert komin með kynlífsfantasíu sem er bæði ástríðufull og smá kinky. Öll þessi auka spenna og adrenalín getur gert kynlífið extra kynþokkafullt.“
En hvað finnst venjulegu fólki um það að stunda kynlíf í bílnum. Cosmopolitan tók saman hvað nokkrum manneskjum finnst um það að stunda bílakynlíf.
„Ég er svo mikið fyrir bílakynlíf. Það minnir mig á skyndikynni í menntaskóla en á góðan hátt. Hræðslan við það að sjást gerir þetta extra kynþokkafullt. Það að sitja klofvega á gaurnum á meðan hann situr í aftursætinu hámarkar líka snertinguna frá húðinni á snípinn. Ég get ekki mælt nógu mikið með því.“
„Ég er fullorðin manneskja með íbúð, af hverju ætti ég að velja sjálf að ganga í gegnum þetta vesen?“
„Ég persónulega elska hugmyndina um að stunda kynlíf í bílnum. Það er kannski bara svo spennandi því hver sem er getur séð mann.“
„Bílakynlíf er glatað. Það er aldrei nógu mikið pláss. Ég var líka einu sinni stoppuð af löggunni á meðan ég var að stunda bílakynlíf og ég fékk ávítun frá henni.“
„Ég er ekkert geðveikt mikið fyrir bílakynlíf en ég hef gaman af spennunni sem fylgir munnmökum og snertingu á ferðinni.“