Fyrir fimm árum síðan ákvað Silvia Saige að pakka niður í töskur og byggja upp nýtt líf í Los Angeles. Hún vann í heilbrigðisgeiranum en vinnur nú sem klámstjarna og uppistandari.
Silvia Saige, 35 ára, lagði sig fram í skóla, fór í háskóla og fékk starf í geislunarlækningum.
Þrátt fyrir að eyða dögum sínum að hjálpa fólki þá var hún ekki hamingjusöm. Hún ákvað að segja upp og flytja til LA og reyna fyrir sér sem uppistandari, en það hafi verið hennar sanna ástríða lengi.
Eftir nokkra mánuði í LA tók hún aðra risastóra ákvörðun sem myndi breyta lífi hennar til frambúðar, hún byrjaði að starfa í klámbransanum.
Í viðtali við Mirror segist Silvia elska vinnuna sína og getur þénað allt að 150 þúsund krónur fyrir aðeins nokkra klukkustunda vinnu. En henni þykir leiðinlegt hvaða áhrif starf hennar hefur haft á foreldra hennar.
„Ég vildi aldrei að foreldrum mínum myndi líða eins og þeim hafi mistekist. Ég er með háskólagráðu. Ég vil að foreldrar mínir séu jafn stoltir af mér núna eins og þeir voru þegar ég vann í heilbrigðisgeiranum,“ segir Siliva.
„Ég var með nóg af valmöguleikum en ég valdi kynlíf. Það fór í taugarnar á mörgum, meðal annars fjölskyldu minni. Ég myndi elska það ef fjölskylda mín væri stolt af mér og myndi kynna mig sem dóttur sína sem vinnur í kynlífsiðnaðinum, frekar en að fara á ættarmót og þykjast vera einhver önnur. Ég er stolt af því sem ég geri,“ segir Silvia.
Til að byrja með voru foreldrar hennar verulega á móti starfi hennar en nú er faðir hennar aðeins að róast.
„Pabbi er skilningsríkari en mamma mín, hún er trúuð. Augljóslega segist hann óska þess að dóttir sín væri ekki að þessu. En hann skilur að ég er örugg, hamingjusöm og tek góðar ákvarðanir fyrir mig sjálfa. Við tölum ekki um smáatriðin,“ segir Silvia.
„Það er ekkert varðandi líf mitt sem er ekki opinbert. Almenningur getur séð allt, það er mjög frelsandi. Það er gott að vita að það er ekki neitt sem einhver hefur á mig, því ég hef opinberað allt,“ segir Silvia.
Að vinna í klámbransanum hefur opnað ýmsar dyr fyrir Silviu og er hún meðal annars með sinn eigin hlaðvarpsþátt um kynlíf.
„Ég gerði það að mínu markmiði að tala um kynlíf. Við setjum svo mikla skömm í kringum það. Þannig ég hef bara verið að tala um kynlíf við alla,“ segir Silvia.
Silvia hefur unnið í klámiðnaðinum í fimm ár. Hún fer í tökur þrisvar til fimm sinnum í vikum og þénar allt að 150 þúsund krónur fyrir hvert skipti.
Hún lýsir týpískum vinnudegi.
Silvia þarf að vera komin á tökustað um klukkan átta að morgni til. Hennar fyrsta verkefni er að skrifa undir pappíra og staðfesta að hún hafi ekki drukkið áfengi né neytt fíkniefna. Síðan fer hún í förðun og hárgreiðslu sem tekur um eina og hálfa klukkustund.
Næst fer hún í myndatöku, betur þekkt sem „sætu stelpu myndirnar.“ Síðan er hún kynnt fyrir félaga sínum í þessari klámmynd og fleiri myndir eru teknar í hinum ýmsu kynlífsstellingum.
Silvia hefur unnið svo lengi í bransanum að hún þekkir flesta karlkyns klámleikarana sem hún vinnur með, en það eru mikið fleiri kvenkyns leikarar, þannig oft er það einhver ný.
Þau fara síðan í gegnum „já og nei listann“ sinn, hlutir sem þeim líður ekki vel með að gera í tökum.
Á lista Silviu kemur meðal annars fram að hún vill ekki láta slá sig utan undir, ekki skyrpa á sig og ekki segja neitt neikvætt við hana.
Þetta tekur um tíu mínútur og síðan er farið að taka upp klámmyndina, sem tekur um 45 mínútur.
„Ég hef gaman af um 80 prósent af deginum mínum. Ég skemmti mér mjög vel í vinnunni. Ég er hlægjandi allan daginn. 20 prósent af tímanum er þetta eins og alvöru vinna. Þú ert ekki alltaf hrifinn af þeim sem þú ert með og þú ert kannski ekki hrifinn af leikstjóranum,“ segir Silvia.
Silvia telur starfið hafa mjög mikil áhrif á ástarlíf hennar og hefur hún verið einhleyp í tíu ár.
„Það er skömm í kringum þetta. Ég vil ekki vera með einhverjum sem vill fela það sem ég er. Ég vil vera með einhverjum sem er stoltur,“ segir Silvia.
En þrátt fyrir allt það neikvæða sem getur fylgt bransanum þá er Silvia mjög ánægð með ákvörðunina sem hún tók og hún elskar nýja líf sitt.
„Ég er mjög ánægð að ég gerði þetta, ég er mjög stolt af því sem ég hef gert.“
