Kona heldur því fram að hún hafi verið drusluskömmuð á flugvelli fyrir að sitja á hnjám kærasta síns á meðan hún var í magabol. The Sun greinir frá.
Sereh Nathan, 33 ára, var að bíða eftir flugi frá Sydney til Melbourne með kærasta sínum. Þau eru í fjarsambandi og var langt þar til þau myndu hittast aftur. Þau vilda gera eins mikið úr augnablikinu og sat Serah í fangi kærasta síns á meðan þau spjölluðu.
„Ég sat á hnjánum hans og við bara töluðum um hversdagslega hluti í nokkrar mínútur,“ segir hún.
Serah var í magabol og jogging buxum. Hún segir að flugvallastarfsmaður frá Jetstar hafi sagt henni að setjast í sæti.
„Jetstar starfsmaður kom og sagði mér að setjast í sæti því það væru börn að horfa,“ segir hún.
„Ég og kærasti minn sáum engin börn nálægt og vorum mjög hissa yfir þessari beiðni starfsmannsins. Síðan kom annar starfsmaður og sagði mér líka að setjast í eigið sæti. Ég spurði hana rólega af hverju ég mætti ekki sitja hjá kærasta mínum og spjalla við hann. Hún sagði að það væru börn þarna og sagði svo: „Þú ert að vanvirða foreldrana með því að sitja klofvega á kærastanum þínum.“ Ég var ekki að láta eins og flugvöllurinn væri strippklúbbur,“ segir Serah.
Hún segir að henni hafi fundist hún „drusluskömmuð“ eftir að starfsmaðurinn sagði við hana að klæðnaður hennar væri óviðeigandi fyrir flug.
„Þau sögðu að jogging buxurnar mínar, íþróttaskórnir og magabolurinn gætu orðið til þess að ég fengi ekki að fljúga,“ segir Serah.
„Ég var í hneyksluð, niðurlægð og brjáluð.“
Serah hafði samband við Jetstar þegar hún kom heim til sín og er verið að rannsaka málið.