Sundfatafyrirsætan Georgia Gibbs, 24 ára, opnar sig um andlega heilsu í nýrri færslu á Instagram.
„Fyrirgefið hvað ég hef ekki veri nægilega „ekta“ hérna. Ég hef í alvöru upplifað allan tilfinningaskalann upp á síðkastið. Á bakvið útsýnið, stóru borgirnar, flottu fötin, hárið, snyrtivörurnar, í alvöru, ég verð stundum svo ótrúlega einmana,“ skrifar hún.
Hún talaði einnig um stigmað í kringum einmanaleika.
„Mér finnst mikið stigma fylgja einmannaleika. Tilfinning sem við skömmumst okkar fyrir og viljum eiginlega ekki tala um. Ég finn stundum fyrir því þegar ég tala um það opinberlega. Enginn sýnir eiginlega þá hlið af því sem ég geri og stundum þegar ég er að ferðast þá finnst mér mjög erfitt að deila mér sjálfri með ykkur,“ segir hún og bætir við að það getur verið erfitt að viðhalda persónulegum samböndum þegar hún ferðast svona mikið vegna vinnunnar.
Ástralska fyrirsætan hvatti fylgjendur sína til að #DitchTheStigma í kringum einmanaleika.
„Þannig þrátt fyrir hversu þakklát ég er að lifa lífinu sem ég geri, þá vildi ég bara deila með ykkur, að ef þið skoðið Instagram og sjáið alla eiga yndisleg augnablik og hlæja með hvert öðru, og spáið hvort það séuð bara þið sem eruð einmana, þá er ég oft einmana líka.“
https://www.instagram.com/p/B5V_q71hiaQ/
