Mynd af tveimur stærstu áhrifavöldum Ástralíu hefur slegið í gegn og fagna netverjar myndunum fyrir að vera „raunverulegar.“

Samfélagsmiðlastjarnan Ariella Nyssa deildi mynd af sér og öðrum áströlskum áhrifavaldi, Katrinu Irby, á Instagram. Á myndinni eru þær í bikiní að busla í sundlaug.

Það voru ekki litríku bikiníin sem vöktu athygli tæplega 300 þúsund fylgjenda Ariellu, heldur voru það líkamar þeirra.

https://www.instagram.com/p/B4y-Ax_H6BX/

„Bíddu, finnst þér ekki uppblásnir magar sætir?“ Skrifaði Ariella með myndunum.

„HÉR ERU FRÉTTIR: það er eðlilegt að maginn manns verði uppblásinn og bara því ég er ekki með stælta magavöðva þá þýðir það ekki að ég sé ekki falleg.“

Fyrirsætan hvatti fylgjendur sínar til að skammast sín ekki þó maginn þeirra blási út yfir daginn.

„Maginn minn verður uppblásinn, maginn þinn verður uppblásinn, ALLIR MAGAR VERÐA UPPBLÁSNIR! Ekki voga þér að líða illa yfir því,“ skrifaði hún.

https://www.instagram.com/p/B4byWOynL31/?utm_source=ig_embed

Þessi jákvæðu og valdeflandi skilaboð hennar hafa fengið mikil viðbrögð. Fjöldi fylgjenda þakkar henni fyrir „raunverulegu“ myndirnar. Það er mjög algengt að áhrifavaldar breyti myndunum sínum. Geri húðina sléttari, mittið grennra og rassinn stærri. En Ariella breytir ekki myndunum sínum heldur sýnir líkama sinn eins og hann er.

„Að sjá þessar myndir gerir mig svo hamingjusama,“ skrifaði ein kona.

„Vá svo satt, þið eruð æði,“ skrifaði önnur.

„Svo yndislegt að sjá líkama eins og minn á Instagram,“ skrifaði einn netverji.

„Ég elska öflugu skilaboðin þín,“ skrifaði annar.

Það er þó ekki nýtt að Ariella birtir „raunverulegar“ myndir á Instagram. Hún er dugleg að breiða út boðskap jákvæðrar líkamsímyndar og deilir óbreyttum myndum af líkama sínum.

Sjá einnig: Samfélagsmiðlastjarna harðlega gagnrýnd fyrir hennar „raunverulega“ líkama

Sjáðu fleiri myndir af þeim hér að neðan.

https://www.instagram.com/p/B4X9JjDHsIz/

https://www.instagram.com/p/B43g7NaBzuZ/

https://www.instagram.com/p/B4_2F3iHwv7/