„Þegar ég og konan mín hittum tvö önnur pör til að stunda kynlíf með þeim, þá fékk hún margsinnis fullnægingu í því sem ég get aðeins lýst sem orgíu,“ segir maður í bréfi sínu til Dear Deidre, kynlífs- og sambandsráðgjafa The Sun. Sjálfstraustið hans er lamað eftir orgíuna.

„Nú líður mér eins og hún hefur gert sér upp fullnægingu með mér þar sem ég hef aldrei getað gefið henni meira en eina fullnægingu í hvert skipti.“

Maðurinn er 48 ára og eiginkona hans er 46 ára. Þau kynntust eftir að hafa skilið við fyrri maka.

„Við höfum alltaf átt mjög heilbrigt ástarlíf og stundum kynlíf eins oft og við getum. En að halda því spennandi og fjölbreyttu er erfitt. Það var konan mín sem stakk upp á því að við myndum prófa „swinging.“ Ég samþykkti, en var smá efins. Við skráðum okkur á síðu til að hitta önnur pör og kynntumst tveimur frábærum pörum á okkar aldri,“ segir hann og lýsir reynslunni.

„Fyrst var þetta allt mjög vandræðalegt og skrýtið, en fljótlega urðum við öll öruggari. Við hittum sitthvort parið nokkrum sinnum áður en við hittumst öll saman. Það var nóg um fullnægingar og virtist konan mín virkilega njóta sín. En ég hef áhyggjur af því að hún hafi skemmt sér aðeins of vel því hún fékk svo margar fullnægingar.

Það hefur látið mig hugsa að öll kynferðisleg saga okkar sé lygi og hún hefur skammast sín of mikið til að segja eitthvað. Eða hún laðast ekki að mér.

Ég á núna erfitt með að afklæðast í kringum hana. Sjálfstraustið hennar jókst en mitt snarminnkaði við þetta. Hún finnur það á sér að það sé eitthvað í gangi en ég er að reyna að komast yfir þetta. Við héldum alltaf að henni skorti sjálfsöryggi en kannski er það ég sem er óöruggur en ekki hún.“

Deidre segir:

„Það kom dæld í stoltið þitt en ekki sjá þig sjálfan sem kynferðislega misheppnaðan. Það getur verið að konunni þinni fannst auðveldara að fá fullnægingu því henni leið eins og óþekkri, kynþokkafyllri konu en ekki skyldurækinni eiginkonu.

Þið eruð hamingjusöm saman og konan þín hefur ekki kvartað yfir kynlífinu ykkar. En það getur verið erfitt að halda kynlífinu spennandi í langtímasambandi. Það er best að þið hættið að blanda öðrum í kynlífið ykkar. Það sem byrjar sem eitthvað spennandi endar oftast í hörmung fyrir eitt eða bæði ykkar. Annað en fantasían, þá hefur raunveruleikinn sínar afleiðingar.“