Fyrirtækið vakti mikla athygli í sumar en upphaflega hét það KIMONO en fólk gagnrýndi Kim harðlega fyrir nafngiftina. Ástæðan fyrir gagnrýninni er að orðið kimono er japanskt orð sem notað er yfir japönsku kimono sloppana. Nafnið vakti hneykslan meðal fjölda Japana sem sökuðu hana um að stunda menningarnám (e. cultural appropriation) með nafngiftinni. Kim varð greinilega vör við gagnrýnina en í kjölfarið breytti hún nafninu á fyrirtækinu í SKIMS.
Fjölmiðillinn Cosmopolitan gaf út myndband í vikunni þar sem fimm konur í mismunandi stærðum mátuðu nokkrar gerðir af aðhaldsfatnaðinum frá SKIMS. Niðurstöðurnar eru skemmtilegar en konurnar eru ekki allar á sömu skoðun um það hvaða gerð er best.
Í myndbandinu er síðan sýndur munurinn á útliti þeirra þegar þær eru með og án aðhaldsfatnaðarins. Sérðu einhvern mun?