fbpx
Mánudagur 13.júlí 2020
Bleikt

Reykti 20 sígarettur á dag og hugsaði ekkert um heilsuna – Ótrúleg breyting

Ritstjórn Bleikt
Þriðjudaginn 27. ágúst 2019 21:30

Ekki missa af Helstu tíðindum dagsins í pósthólfið þitt

Lesa nánar

Ekki eru mörg ár síðan hin ástralska Ella Martyn reykti tuttugu sígarettur á dag, borðaði mat sem að miklu leyti samanstóð af ruslfæði og drakk áfengi í tíma og ótíma. Ella ákvað að gera róttækar breytingar á lífsstíl sínum með þeim árangri að í dag er hún afreksmanneskja í fitness.

Ella starfar sem einkaþjálfari og rekur eigin vefsíðu þar sem hún gefur viðskiptavinum góð ráð um hreyfingu og mataræði. Áður en að áhugi hennar á líkamsrækt kviknaði spáði hún lítið í hreyfingu eða mataræði.

„Ég var aldrei sérstaklega ánægð með útlit mitt. Ég var það sem sumir kalla mjó-feit (e. skinny-fat). Ég var rúm 70 kíló og þó ég væri ekki í mikilli ofþyngd leið mér þannig. Ég reykti 20 sígarettur á dag, drakk áfengi í miklum mæli reglulega og borðaði til að mér liði betur í sálinni,“ segir hún við ástralska vefmiðilinn News.co.au.

Segja má að allt hafi breyst þegar Ella ákvað að læra einkaþjálfun. Þá áttaði hún sig betur á hvað hún þyrfti að gera til að viðhalda góðum árangri. Fyrir fimm árum byrjaði hún að stunda lyftingar. „Ég sá breytingar á líkamanum alveg um leið. Í kjölfarið fór ég að afla mér þekkingar um næringu og mikilvægi þess að hafa gott hugarfar,“ segir hún.

Ella, sem er 31 árs, hefur tekið þátt í fitness-keppnum undanfarin misseri með góðum árangri. Áður en langt um líður mun hún taka þátt í sinni fyrstu keppni sem atvinnumaður.

Hún segir að fjölbreytt mataræði sé lykillinn að góðum árangri en einnig sé mikilvægt að halda réttri æfingaáætlun. Hún stundar lyftingar, eða mótstöðuæfingar, fimm sinnum í viku og þá stundar hún brennsluæfingar einnig. Ella viðurkennir að ákveðnir öfgar fylgi því að taka þátt í fitness, sérstaklega þegar kemur að niðurskurði vikurnar fyrir keppni. Þegar hún er ekki að fara keppa lyftir hún fjórum sinnum í viku og tekur aðeins eina æfingu þar sem hún fer á stigvélina.

Ella segir að jákvætt hugarfar sé lykillinn að árangri – alveg sama hvert fólk stefnir. Skiptir þá engu hvort viðkomandi stefnir á þátttöku í fitness eða hvort markmiðið sé að auka vöðvamassa eða léttast.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Bleikt
Fyrir 1 viku

„Ekki segja neinum neitt!“ Johnny Depp ógnaði aðstoðarmanni sínum og heimtaði eiturlyf

„Ekki segja neinum neitt!“ Johnny Depp ógnaði aðstoðarmanni sínum og heimtaði eiturlyf
Bleikt
Fyrir 1 viku

Hvar eru Love Island pörin í dag?

Hvar eru Love Island pörin í dag?
Bleikt
Fyrir 1 viku

Sjáið nýja stiklu úr umhverfisvænum þáttum Zac Efron

Sjáið nýja stiklu úr umhverfisvænum þáttum Zac Efron
Bleikt
Fyrir 1 viku

Hatar einhverfu – 33 ára móðir fær hörð viðbrögð við pistli um einhverfu

Hatar einhverfu – 33 ára móðir fær hörð viðbrögð við pistli um einhverfu
Bleikt
Fyrir 1 viku

Kim Khardashian alls enginn milljarðamæringur

Kim Khardashian alls enginn milljarðamæringur
Bleikt
Fyrir 1 viku

Aðdáendur áhrifavalds æfir eftir óforskammaðar blekkingar

Aðdáendur áhrifavalds æfir eftir óforskammaðar blekkingar

Tarot Spil

Veldu þér spil og sjáðu spádóm þinn.