Meghan Lenss tókst að missa 50 kg og viðhalda þyngdartapinu með því að borða meira og elda heima. Hún segir Women‘s Health Magazine sögu sína.

Meghan segir að hún hafi alltaf verið meðvituð um líkama sinn þegar hún var yngri. Hún þroskaðist á undan vinum sínum, fékk brjóst og mjaðmir á undan öllum öðrum.

„Í framhaldsskóla byrjaði ég að vera rosalega meðvituð um stækkandi líkama minn og byrjaði að takmarka mataræðið mitt á mjög óheilbrigðan hátt. Ég trúði að það væri eina leiðin sem ég gæti grennst. Sem er að sjálfsögðu langt frá því að vera satt, öruggt og alls ekki varanlegt,“ segir Meghan.

Eftir að hún byrjaði í háskóla þyngdist hún hrat. „Skrýtið samband mitt við líkama minn og mat hélt áfram en á öðruvísi hátt. Ég byrjaði að borða og drekka meira. Ég þyngdist mikið.“

Þegar Meghan útskrifaðist úr háskóla var hún 127 kg.

„Ég reyndi nokkrum sinnum að grenna mig eftir háskóla. Ég keypti megrunarsjeikana, ég takmarkaði kaloríufjöldann sem ég borðaði og ég prófaði að hreyfa mig, en ég gafst alltaf upp að lokum. Ég var þyngst um 136 kíló,“ segir Meghan.

https://www.instagram.com/p/Bf825XsFICl/?utm_source=ig_embed

Áramótið 2016

Vendipunkturinn í lífi Meghan var á áramótunum 2016. „Ég held að mínir nánustu vissu að ég væri of þung og óhamingjusöm, en ég talaði ekki um hversu illa mér leið, óöryggi mitt og þá staðreynd að mig langaði að breyta líkama mínum. Ég sagði engum frá því. En ég var komin með nóg af því að lífið væri óþarflega erfitt fyrir mig. Ég ákvað að nota nýja árið til að koma mér af stað, en ég þurfti eitthvað meira,“ segir Meghan.

Á sama tíma var kærasti Meghan að glíma við heilsufarsvandamál. Læknar hans sögðu honum að ef hann myndi ekki gera eitthvað í sínum málum fengi hann sykursýki.

„Þetta kom mér af stað og ég hugsaði að ég væri að gera þetta fyrir hann og hans heilsu. Mér fannst það taka pressu af mér og það hjálpaði mér á endanum.“

https://www.instagram.com/p/BuCQRFXANBf/?utm_source=ig_embed

Hætti að borða skyndibitamat

„Ég var vön að borða skyndibita í nánast hverri máltíð. En ég ákvað að byrja að elda og borða heima eins oft og ég gat. Og ef við fórum út að borða þá reyndi ég að panta mér eitthvað í hollari kantinum. Þegar ég horfi til baka, þá tók ég kannski ekki bestu ákvarðanirnar en ég var samt að taka betri ákvarðanir heldur en áður,“ segir Meghan.

Með tímanum varð hún betri og betri að búa til mat og nesti heima og gerði aðrar breytingar.

„Í stað þess að panta mér frappuccino á Starbucks byrjaði ég að fá mér ískaffi með sykurlausum sætugjafa og engri mjólk eða rjóma. Uppáhalds snakkið mitt var (og er ennþá) Hot Cheetos, en ég byrjaði að borða popp með cayenne pipar í staðinn. Með tímanum fór ég að telja kaloríur og orkuhlutföll,“ segir Meghan.

https://www.instagram.com/p/BfUfgi-lwLO/?utm_source=ig_embed

Hreyfing

Til að byrja með var Meghan ekki tilbúin að mæta í ræktina. Hún byrjaði að gera brennsluæfingar heima og tók klukkustunda brennslu á hverju kvöldi.

Í mars 2017 byrjaði hún í ræktinni, fyrst tók hún bara brennsluæfingar en í dag elskar hún styrktaræfingar.

https://www.instagram.com/p/Bcn491Rls9J/?utm_source=ig_embed

https://www.instagram.com/p/Bg1SKDPlPxF/?utm_source=ig_embed

Óhamingjusöm

„Árið 2018 náði ég þyngdarmarkmiði mínu. En til að vera hreinskilin þá var ég ekki hamingjusöm með hvernig ég komst þangað,“ segir Meghan.

„Mér fannst eins og ég væri að gera allt of mikið af brennsluæfingum og ekki að borða nóg. Á einum tímapunkti stóð ég inni í eldhúsinu, alveg við það að fara að gráta því ég var svöng. En ef ég myndi borða kvöldmat þá færi ég yfir daglega kaloríufjöldann minn. Ég sagði kærastanum mínum að þessi tilfinning hræddi mig, hversu mikið það truflaði mig að fara yfir kaloríufjöldann minn. Ég vildi ekki byrja aftur á því að sleppa máltíðum. Þetta kvöld ákvað ég að hætta að telja kaloríur. Þetta var ekki jákvætt hugarfar,“ segir Meghan.

https://www.instagram.com/p/ByxwwOQgjfV/

Breytti rútínunni

„Ég breytti rútínunni minni og þyngdist um 9 kg sama ár. Það var besta og jákvæðasta breytingin til þessa,“ segir Meghan.

„Ég er núna að viðhalda um 50 kg þyngdartapi […] Flesta daga er ég ekki viss um hvað „heilbrigð þyngd“ lítur út fyrir mig, en ég veit að heilbrigt hugarfar er alveg jafn mikilvægt. Ég fer enn þá í gegnum tímabil þar sem ég glími við líkamsímynd og hvernig mér líður gagnvart sjálfri mér,“ segir Meghan.

„Ég áttaði mig aldrei á því hversu stóran hluta af lífi mínu ég væri að gefa upp á bátinn vegna þyngdar minnar. Ég var hrædd við að prófa. Ég sleppti því að gera svo marga hluti því ég var hrædd um að fólk myndi sjá hvað ég væri í lélegu formi. Ég fór aldrei að versla með vinkonum mínum því ég vildi ekki að þær myndu vita í hvaða stærð ég var í. Að léttast breytti lífi mínu og hjálpaði mér að komast yfir þessa hræðslu.“

https://www.instagram.com/p/BtC04UqAKxg/

Meghan er með vinsælan Instagram aðgang, @_iwokeupinbeastmode, þar sem hún deilir reglulega myndum, hvatningu og alls konar fróðleik.