Laugardagur 07.desember 2019
Bleikt

Er rangt að stunda kynlíf á meðan börnin eru sofandi í sama herbergi?

Ritstjórn Bleikt
Fimmtudaginn 20. júní 2019 20:30

Ekki missa af Helstu tíðindum dagsins í pósthólfið þitt

Lesa nánar

Mikil umræða hefur spunnist á spjallborði vefsíðunnar Netmums, eða Netmæður, um kosti og galla þess að foreldrar stundi kynlíf meðan börnin eru sofandi í sama herbergi. Sitt sýnist hverjum um þetta og er óhætt að segja að mæður skiptist í tvær fylkingar.

Færslan sem kom öllu af stað

Færslan sem kom umræðunni af stað snerist um foreldra tveggja barna, 10 og 8 ára, sem vegna óviðráðanlegra aðstæðna þurfa að deila herbergi með börnum sínum í nokkra mánuði. Konan sem skrifar færsluna segir að henni hafi verið verulega brugðið þegar vinkona hennar, sum sé móðir þessara 8 og 10 ára barna, tjáði henni að hún og eiginmaður hennar stunduðu kynlíf inni í svefnherberginu meðan börnin eru sofandi.

„Það er stofa í íbúðinni svo ég skil ekki hvers vegna þau stunda ekki kynlíf þar. Vinkonu minni finnst þetta í lagi – þau fullvissa sig um að börnin séu sofandi en ég veit ekki hvernig þau geta verið viss um að þau vakni ekki í miðjum klíðum. Mér hefur liðið óþægilega síðan hún sagði mér þetta, sérstaklega vegna aldurs barnanna. Mig langar að segja eitthvað en ég vil ekki sýna dómhörku. Er þetta eðlilegt hjá þeim, í ljósi aðstæðna, eða ætti ég að segja eitthvað?,“ spyr móðirin á spjallborðinu.

Eðlilegt eða óeðlilegt?

Fjölmargir hafa blandað sér í umræðuna og virðast meðlimir spjallborðsins skiptast í tvær fylkingar. „Bæði börnin eru of gömul. Ef annað þessara barna myndi komast að þessu og segja kennaranum sínum frá myndu félagsmálayfirvöld væntanlega banka á dyrnar,“ segir einn meðlimur spjallborðsins á meðan annar bætir við að þau geti vel stundað kynlíf í stofunni. „Þetta jaðrar við misnotkun og félagsmálayfirvöld yrðu ekki ánægð,“ segir annar. Fleiri hundruð athugasemdir hafa borist.

Sem fyrr segir eru ekki allir jafn dómharðir. „Ég á fimm ára dóttir og hún deildi herbergi með mér og fyrrverandi manninum mínum þar til hún varð tveggja ára. Ég get ekki séð að það sé eitthvað rangt við þetta. Foreldrar mínir – og ég – bjuggu í íbúð með einu svefnherbergi í mörg ár. Ég tók aldrei eftir neinu. Það að kalla þetta misnotkun er allt of langt gengið.“

Barnasálfræðingur gefur sitt álit

Vefútgáfa breska blaðsins Daily Mail, Mail Online, fékk álit Emmu Kenny, barnasálfræðings, á viðfangsefninu. Hún hefur þetta um málið að segja:

„Ég held að það sé ekki óalgengt að foreldrar ungra barna stundi kynlíf meðan börnin eru sofandi í sama herbergi. Þegar kemur að eldri börnum þurfa foreldrarnir að leggja mat á það hvort börnin séu sofandi og hvort hætta sé á að þau vakni. Það er ekkert að því að stunda kynlíf, það er mikilvægt til að viðhalda nánum tengslum í samböndum. Börn læra það að foreldrarnir elska hvort annað og ég held að við ættum að ala börnin okkar þannig upp að þau viti að náin kynni séu eðlilegur hlutur í samböndum fullorðinna einstaklinga. Hafandi sagt þetta þá er mikilvægt að koma börnunum ekki í uppnám.

En tel ég rétt að ala á neikvæðni og gagnrýni í garð foreldranna sem um ræðir í umræddri færslu? Nei, þetta virðast vera góðir foreldrar sem eru að reyna að gera það besta úr erfiðum aðstæðum. Þau eru ekki með ráðum að valda börnunum sínum einhverjum skaða. Ég hef unnið með fórnarlömbum misnotkunar og ég held að fólk ætti að fara varlega í slíkar ásakanir.“

Maeve Begley uppeldisfræðingur segir að það sem skipti mestu máli í þessu samhengi sé aldur barnanna og hvort farið sé hljóðlega.

„Ég er talskona þess að halda í neistann. Flestir foreldrar telja þetta eflaust vera í lagi en ég held að foreldrar þurfi að endurskoða þá afstöðu sína þegar börnin fara að eldast, til dæmis þegar þau eru farin að geta staðið upp í rúminu sínu,“ segir Maeve.

Birtist fyrst í DV.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Milner opinn fyrir öllu
Bleikt
Fyrir 3 dögum

Refsaði dóttur sinni með því að taka yfir Instagram síðu hennar – Varð vinsælli en hún

Refsaði dóttur sinni með því að taka yfir Instagram síðu hennar – Varð vinsælli en hún
Bleikt
Fyrir 3 dögum

Það sem Lionel Richie finnst í alvöru um samband Sofiu og Scott Disick

Það sem Lionel Richie finnst í alvöru um samband Sofiu og Scott Disick
Bleikt
Fyrir 4 dögum

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“
Bleikt
Fyrir 4 dögum

45 ára leikkona gagnrýnd fyrir bikinímynd – Svarar á stórkostlegan hátt

45 ára leikkona gagnrýnd fyrir bikinímynd – Svarar á stórkostlegan hátt
Bleikt
Fyrir 1 viku

Hún komst að því að eiginmaðurinn var að halda framhjá – Með öðrum karlmanni

Hún komst að því að eiginmaðurinn var að halda framhjá – Með öðrum karlmanni
Bleikt
Fyrir 1 viku

Fór í fitusog aðeins sex vikum eftir fæðingu sonar síns

Fór í fitusog aðeins sex vikum eftir fæðingu sonar síns
Bleikt
Fyrir 1 viku

„Ég gómaði eiginmann minn stara á brjóst dóttur okkar – Ætti ég að hafa áhyggjur?“

„Ég gómaði eiginmann minn stara á brjóst dóttur okkar – Ætti ég að hafa áhyggjur?“
Bleikt
Fyrir 1 viku

Áhrifavaldar sem vildu eitthvað frítt og það komst upp um þá

Áhrifavaldar sem vildu eitthvað frítt og það komst upp um þá

Tarot Spil

Veldu þér spil og sjáðu spádóm þinn.