Í síðustu viku vakti Snorri mikla athygli þegar hann hélt ræðu á þingi og gagnrýndi framkvæmdaáætlun í kynjajafnréttismálum fyrir árin 2025-2028 sem Þorbjörg Sigríður Gunnlaugsdóttir, dómsmálaráðherra og ráðherra jafnréttismála, mælti fyrir. Snorri gagnrýndi einnig kynjafræði sem fræðigrein.
Ræða Snorra vakti hörð viðbrögð og var hann meðal annars sakaður um að fara með rangfærslur og hræðsluáróður.
„Sums staðar komast menn í gegnum framhaldsskóla án þess að þurfa að taka svo mikið sem einn einasta áfanga í Íslandssögu, en í sömu skólum ber þeim skylda til þess að taka áfanga í kynjafræði. Og hvað er kennt þar? Jú, í grunninn þetta klassíska: Að konur séu eilíflega fórnarlömb og að karlar séu vafasamir upp til hópa,“ sagði hann. Ræðuna í heild sinni má horfa á hér.
Sjá einnig: Þorsteinn skýtur kaldhæðnislega á Snorra – „Snorri Másson hefur rétt fyrir sér“
Kolbrún Birna birti gamalt tíst frá Snorra sem hann birti árið 2017. Gamla mynd af honum með Druslu derhúfu, varning til styrktar Druslugöngunnar sem er haldin á hverju ári til að sýna þolendum kynferðisofbeldis stuðning. Hún birti einnig tvær aðrar færslur frá árinu 2015 þar sem Snorri sagðist vilja fá kynjafræði í grunnskóla landsins.
Kolbrún segir að menn eins og Snorri, sem hún segir hafi viljað á þeim tíma bendla sig við femínisma þar sem það þótti eftirsóknarvert, elti bara trendin og standi núna á bak við þveröfugan málsstað því hann er á uppleið.
„Er ekki svolítið gaman að sjá hvað allir þessir gaurar voru svona: „Ég er drusla“ og elska femínisma, því það var ógeðslega töff og þá vildu gellur sofa hjá þeim, ef þeir voru femínistar. Og núna þegar það er einhver uprising fasismi og kvenfyrirlitning þá eru þeir allir svona: „Woke er heiladauði.“fokking stattu við einhver gildi og stick with it.“
@kolbrunbirnahbjæja hérma er óritskoðað skoðanahorn KB á sunnudagskvöldi fyrir originally just for friends♬ original sound – Kolbrún Birna Hallgr. Bachmann
