Staksteinahöfundur Morgunblaðsins segir ljóst að þeir flokkar sem nú eru í viðræðum um myndun nýrrar ríkisstjórnar komi til með að þurfa að svíkja sína kjósendur ef af samstarfi á að verða.

„Inga Sæ­land, Þor­gerður Katrín Gunn­ars­dótt­ir og Kristrún Frosta­dótt­ir sitja nú við það að festa stjórn­arsátt­mála á blað. Hverj­ar lykt­ir þeirr­ar vinnu verða fer fyrst og fremst eft­ir því hversu stór­an hluta lof­orða sinna þær eru til­bún­ar að standa ekki við því að ljóst er að sjón­ar­miðin eru afar ólík, ef marka má það sem sagt var fyr­ir kosn­ing­ar,“ segir höfundur staksteina í dag en ekki er loku fyrir það skotið að þar haldi ritstjórinn Davíð Oddsson á penna.

„Kjós­end­ur flokks Ingu Sæ­land mega gera ráð fyr­ir því að öllu daðri við ESB-aðild verði hafnað, enda voru yf­ir­lýs­ing­arn­ar um and­stöðuna við ESB jafn skýr­ar og hjá Stein­grími J. Sig­fús­syni árið 2009, sem svo sveik kjós­end­ur sína hik­laust dag­inn eft­ir kosn­ing­ar með af­drifa­rík­um af­leiðing­um fyr­ir VG fjór­um árum síðar,“ segir hann og vísar til þess þegar þingflokkur VG fór úr fjórtán þingmönnum eftir kosningarnar 2009 í sjö þingmenn árið 2013.

„Kjós­end­ur Viðreisn­ar eigu kröfu um að flokk­ur­inn standi ekki að skatta­hækk­un­um. Þor­gerður Katrín talaði skýrt í þeim efn­um,“ segir staksteinahöfundur og bætir við að lokum:

„Nú virðast for­menn­irn­ir vera að setja upp leik­rit þar sem ný hagspá á að rétt­læta svik Viðreisn­ar um að skatt­ar verði ekki hækkaðir og sömu­leiðis svik flokks Ingu Sæ­land og Sam­fylk­ing­ar um að fé verði ekki dælt jafn frjáls­lega úr rík­is­sjóði og þess­ir flokk­ar lofuðu. Í töl­un­um er þó ekk­ert nýtt sem rétt­læt­ir svik glæ­nýrra lof­orða. Eft­ir stend­ur spurn­ing­in: Hvers vegna vilja flokk­arn­ir fara þessa leið?“