West Ham gæti boðið Michail Antonio nýjan samning, en núgildandi samningur hans við félagið rennur út eftir leiktíðina. The Times segir frá.

Eins og flestir vita lenti hinn 34 ára gamli Antonio í skelfilegu bílslysi um helgina og var heppinn að ekki fór verr. Bíll hans gjöreyðilagðist en Antonio var fluttur fótbrotinn á sjúkrahús.

Það er ólíklegt að Antonio spili fótbolta aftur fyrr en í fyrsta lagi eftir ár, en möguleiki er á því að hann neyðist til að leggja skóna á hilluna.

West Ham mun áfram borga laun Antonio út tímabilið hið minnsta, en sóknarmaðurinn þénar um 90 þúsund pund á viku.

Þá gæti félagið, samkvæmt nýjustu fréttum, framlengt samning leikmannsins en það fer allt eftir því hvernig endurhæfing hans mun ganga.

Antonio hefur verið á mála hjá West Ham í hart nær tíu ár.