Brasilíumaðurinn Oscar yfirgaf kínverska félagið Shanghai Port á dögunum eftir sjö ár. Hann talar afar fallega um árin í Kína.
Það vakti athygli þegar Oscar fór frá Chelsea og elti peningana til Kína, þar sem hann þénaði heilt yfir um 30 milljarða íslenskra króna á sjö árum.
Oscar ræddi nýverið um lífið í Kína og hversu mikið hann og hans fjölskylda munu sakna þess, en hann hefur verið orðaður við endurkomu til heimalandsins.
„Ég elska Shanghai en við getum ekki verið hér að eilífu, við erum of langt að heiman. Mamma mín er að eldast og systur mínar að eignast börn,“ sagði Oscar.
„Hvert sem við förum verður það ekkert eins og hér. Lífsgæðin hér eru á heimsmælikvarða. Ég hef aldrei séð svona í Evrópu. Krakkarnir mínar fara í skólann og koma heim með rútu án þess að við þurfum að hafa áhyggjur af öryggi þeirra. Við getum farið út eins mikið og við viljum, klukkan 2-3 á nóttunni og ekkert mun gerast.
Það eru engin eiturlyf. Þetta er eitthvað allt annað en bara þeir sem búa hérna skilja það.“
