Stefán Ólafsson, prófessor emeritus í félagsfræði, bendir á að þrátt fyrir að Sjálfstæðisflokkurinn tali mikið um að lækka skatta. Sagan sýni því að flokkurinn gleymi að taka fram að þetta eigi ekki við um alla, heldur bara þá sem minnst þurfa á því að halda.

Stefán skrifar á Facebook:

„Sjálfstæðismenn tala mikið umað þeir lækki skatta á almenning – en þeir lækka yfirleitt eingöngu skatta á hátekju- og stóreignafólk, fyrirtæki og fjármagn. Á móti hafa þeir hækkað skatta á lægri og milli tekjuhópa launafólks og lífeyrisþega.“

Stefán birtir mynd með færslu sinni þar sem má sjá hvernig skattbyrði ólíkra tekjuhópa breyttist á árunum 2013-2023, en á þeim tíma stýrðu Sjálfstæðismenn fjármálaráðuneytinu, lengst af Bjarni Benediktsson sem nú er forsætisráðherra.

„Skattbyrðin hækkaði á átta lægstu tekjuhópana, þ.e. á tekjulægri 80% framteljenda, en hjá þeim 20 prósentum sem höfðu hæstu tekjurnar lækkaði skattbyrðin, einkum vegna aukinna fjármagnstekna sem bera minni skattbyrði en laun og lífeyrir.“

Á myndinni má sjá að skattbyrðin hækkaði í tekjulægri hópum en lækkaði töluvert hjá þeim tekjuhæstu.