Novaja Gazeta skýrir frá þessu og segir að Polunin hafi nýlega verið dæmdur til að afplána níu og hálfs árs dóm í þrælkunarbúðum fyrir morðið.
Polunin, sem er 41 árs, hlutaði lík konunnar í sundur og henti hlutum af líkinu í ruslatunnu. Áður en hann var sendur til Úkraínu hafði hann hlotið dóm fyrir brot á fíkniefnalöggjöf landsins.
Hann fékk heilahristing í byrjun árs 2024 og var þá sendur heim til sín í bænum Sasykoli, sem er í sunnanverðu Rússlandi.
Þrátt fyrir að vera kominn heim fór hann næstum aldrei úr einkennisbúningi sínum og ræddi mikið um „þá hræðilegu atburði“ sem hann hafði upplifað í fremstu víglínu.
Fyrir dómi sagðist hann hafa ætlað að kynnast 13 ára dóttur sinni en hann hafði ekki séð hana síðan hún fæddist. En móðir hennar var ekki hrifin af því.
Hún sagði að hann hefði ógnað henni og að hún vildi ekki að dóttir þeirra umgengist föður sinn. En Polunin virti þetta að vettugi og hélt áfram að heimsækja stúlkuna. Síðan fór allt úr böndunum dag einn þegar móðir hennar fann stúlkuna heima hjá Polunin. Til deilna kom á milli foreldranna og sagði Pounin fyrir dómi að konan hefði „móðgað Vladímír Pútín og hermenn sem berjast í Úkraínu“.
Að lokum greip hann hníf og stakk hana ítrekað eftir að hafa árangurslaust reynt að sannfæra hana um að Rússar væru að „verja ættjörðina fyrir ágengum Vesturlöndum“. Hann hlutaði líkið síðan í sundur og geymdi suma hlutana bak við verslun en öðrum henti hann í ruslatunnu.
Dómstólinn virti það honum til refsilækkunar að hann hafði barist í Úkraínu.
