The Hill segir að þetta þýði að Demókrataflokkurinn sé enn með forystu hvað varðar fjölda skráðra kjósenda en bilið á milli flokksins og Repúblikanaflokksins hafi minnkað síðan í síðustu kosningum.
Kjósendur verða að skrá sig á kjörskrá og gefa upp hvaða flokk þeir styðja eða hvort þeir eru óháðir.
Í Pennsylvania hafa 300.000 færri skráð sig á kjörskrá sem Demókratar en sagan er önnur hjá Repúblikönum þar sem 70.000 fleiri hafa skráð sig.
Berwood Yost, yfirmaður skoðanakannanadeildar Franklin & Marshall háskólans, sagði í samtali við The Hill að þetta sé „hættumerki“ fyrir Demókrata.
Sérfræðingar Demókrataflokksins segja að fækkun skráninga megi meðal annars rekja til þess að sífellt fleira ungt fólk skrái sig sem óháða kjósendur en hafi samt sem áður tilhneigingu til að kjósa Demókrataflokkinn.
