Age Hareide landsliðsþjálfari Íslands mun á miðvikudag greina frá nýjasta landsliðshópi sínum en liðið mætir Wales og Tyrklandi á Laugardalsvelli í október.

Fundurinn verður haldin á Zoom á miðvikudag þar sem Hareide verður ekki á landinu

Ekki er búist við neinu óvæntu í vali Hareide en mál Alberts Guðmundssonar er enn á borði dómstóla og því má Hareide ekki velja hann.

Gylfi Þór Sigurðsson var meiddur hjá Val í gær þegar liðið mætti Víkingi en nái hann heilsu er búist við að hann verði áfram á sínum stað.

Ísland vann Svartfjallaland í fyrsta leik í Þjóðadeildinni en tapaði svo gegn Tyrkjum.