Inga Lind Karlsdóttir, eigandi framleiðslufyrirtækisins Skot, lögfræðingur og fjölmiðlakona, er gengin út. Sá heppni er viðskiptamaðurinn Sigurður Viðarsson. Smartland greinir frá.
Þau hafa verið að rugla saman reytum síðan í sumar en samkvæmt Smartlandi hafa þau þekkst nánast alla ævi. Þau voru í sama grunnskóla og eru í sama þétta vinahóp úr Garðabænum.
Sigurður Viðarsson var forstjóri TM um árabil og varð síðar aðstoðarforstjóri Kviku, en hætti í sumar.
Inga Lind var áður með Árna Haukssyni, fjárfesti. Leiðir þeirra skildu í lok árs 2023.
