Atli Arnarson bjargaði stigi fyrir HK í dramatískum leik á Akureyri nú rétt í þessu í neðri hluta Bestu deildarinnar.
Dagur Ingi Valsson kom KA yfir í leiknum en Dagur Örn Fjelsted jafnaði eftir hálftíma leik.
Arnþór Ari Atlason kom HK svo í 1-2 þegar fyrri hálfleikur var nánast á enda. En Atli Hrafn Andrason miðjumaður HK lét reka sig af velli í uppbótartíma fyrri hálfleik.
Heimskulegt brot hjá Atla þar á ferðinni.
Mikael Breki Þórðarson jafnaði fyrir KA eftir átta mínútur í síðari hálfleik og Ásgeir Sigurgeirsson kom KA yfir eftir 69 mínútur.
Það var svo Atli Arnarson jafnaði leikinn fyrir HK á 91 mínútu og tryggði mikilvægt stig. HK er með 21 stig í ellefta sæti deildarinnar og tveimur stigum á undan Vestra sem liðið mætir í næsta leik.
