Hinn 17 ára gamli Lamine Yamal hefur fengið ansi stórt hrós frá engum öðrum en goðsögninni Cristiano Ronaldo.
Yamal er talinn einn efnilegasti ef ekki efnilegasti leikmaður heims en hann er á mála hjá Barcelona.
Ronaldo er enginn sérstakur aðdáandi Barcelona en hann spilaði með Real Madrid til fjölda ára og er rígurinn þar á milli mikill.
Ronaldo viðurkennir þó fúslega að Yamal sé sérstakt eintak af knattspyrnumanni en hann er nú þegar lykilmaður í Barcelona sem og spænska landsliðinu.
Þetta er í eitt af fáum skiptum sem Ronaldo talar um leikmann Barcelona og er þetta mikið hrós fyrir spænska ungstirnið.
,,Ég sé gríðarlega hæfileika í Lamina Yamal,“ sagði Ronaldo í samtali við blaðamenn.
,,Ég vona að hann lendi ekki í vandræðum í framtíðinni og ég er viss um að hann verði einn sá besti af sinni kynslóð.“
