Orri Sigurður Ómarsson hefur skrifað undir nýjan þriggja ára samning við Val. Félagið greindi frá þessu í dag.

Orri, sem er 29 ára gamall, hefur leikið með Val frá árinu 2014 með smá viðkomu hjá Sarpsborg 08 í Noregi.

„Orri kom til okkar 19 árs gamall og hefur síðan þá sýnt okkur hversu góður fótboltamaður hann er. Hann hefur átt frábært tímabil í ár eftir hafa verið í basli með meiðsl. Það er afar ánægjulegt að hann hafi viljað framlengja við okkur enda mikilvægur hlekkur í því sem við erum að búa til hér á Hlíðarenda,“ segir Björn Steinar Jónsson, varaformaður knattspyrnudeildar Vals, við heimasíðu félagsins eftir undirskrift varnarmannsins öfluga.