Philippe Coutinho er á leið aftur til heimalandsins og mun skrifa undir samning við Vasco Da Gama.
Frá þessu greina ýmsir fjölmiðlar en Coutinho er fyrrum leikmaður Liverpool og Barcelona sem og brasilíska landsliðsins.
Coutinho er aðeins 32 ára gamall en hann hefur undanfarið ár leikið með Al-Duhail í Katar á lánssamningi.
Brassinn er samningsbundinn Aston Villa á Englandi þar sem hlutirnir gengu ekki upp eftir komu frá Barcelona 2022.
Coutinho byrjaði vel hjá Villa en eftir endanleg kaup skoraði hann aðeins eitt mark í 22 leikjum fyrir félagið.
